كود سبور//

اكد حبيب باي مدرب اولمبيك مارسليا الفرنسي، الخبر اللي كان نشر جورنال “گود” فوقت سابق على نايف أگرد وانه مازال ما كاين حتى شي حاجة رسمية بخصوص داكشي اللي راج على نهاية الموسم ديالو مع الفريق او انه ما غاديش يشارك مع المنتخب الوطني المغربي فمونديال 2026، وانه بالفعل كاين تنسيق بين الطاقم الطبي د المنتخب المغربي والطاقم الطبي د الفريق الفرنسي بخصوص حالة اللاعب.

وخلال الندوة الصحافية اللي كاتسبق ماتش اولمبيك مارسيليا ولوريان ضمن بطولة فرنسا، هضر مدرب مارسليا حبيب باي على نايف أگرد وقال: “دازت العملية مزيان ولكن عندو التهاب صغير فالعظم، وحنا خدامين بتنسيق مع الجامعة الملكية المغربية لكرة القدم”.

وبخصوص امتى يقدر يرجع نايف أكرد يلعب، ووضح المدرب: “ما عندناش موعد امتى غادي يرجع بسبب المضاعفات البسيطة اللي جاتو، ولكن راه ما عندها علاقة بالعملية اللي دازت مزيان”.