الوالي الزاز -كود- العيون///
[email protected]

جسدات الصبليون فعليا دعمها لسيادة المغرب على الصحراء ومبادرة الحكم الذاتي من خلال تعزيز تواجدها الإقتصادي فالأقاليم الجنوبية للمملكة، الشي اللي خلى گاع الأماني ديال الجزائر والبوليساريو تصطدم بعرض الحائط.

وفهاد الصدد أوضح تقرير ديال منظمة تابعة للجزائر وجبهة البوليساريو، أن التعاون المغربي الإسباني على مستوى الأقاليم الجنوبية للمملكة زاد توسع فالفترة الأخيرة، ولاسيما فمجال المحروقات عبر شركتي “سيبسل” و “ريبسول” اللي كيزودوا جهتي العيون الساقية الحمراء والداخلة وادي الذهب بالمنتوجات النفطية.

وإعترف التقرير ديال المنظمة التابعة للجزائر وجبهة البوليساريو بأن الشركتين الإسبانيتين تزودان الأقاليم الجنوبية للمملكة بما لا يقل عن 84 فالمائة من إجمالي المنتجات النفطية التي تصل عبر البواخر إلى الصحراء فسنة 2023.

وقال التقرير أن شركة “ريبسول” الإسبانية هي أكبر مزود للصحرا بالمحروقات بواقع 55.7% من إجمالي حجم المنتجات النفطية القادمة إلى هذه المنطقة، وكتوصل قادمة من المصافي ديال الشركة في ميناء قرطاجنة إسكومبريراس، بينما توفر شركة “سيبسا” ما يناهز 28.7% من إجمالي المنتوجات اللي كتوصل للمنطقة وكتجي من موانئ كارتيا گوادارانكي، هويلفا وتينيريفي.

وكشف التقرير أن 114 شحنة ديال هاد المنتوجات الموجهة من الشركتين وصلوا للأقاليم الجنوبية للمملكة فعام 2023، والأكثر من ذلك هو التواجد ديال شركة “سوجيستران” الفرنسية التي تملك الناقلة “مايوري” واللي كتوفر حتى هي نسبة 21.6 فالمائة من إحتياجات المنطقة فعام 2023.