كود -Cooperativa //

قاضي التحقيق فالعاصمة الإسبانية مدريد وجّه اتهامات لواحد الناشط ديال اليمين المتطرف سميتو ألبرتو رويويلا، ومعاه واحد آخر سميتو خوان مارتينيز غراسا، حيث دارو تزوير فالوثائق ونشرو معلومات مغلوطة، باش يقيسو مرات رئيس الحكومة الإسبانية بيغونيا غوميز، و رئيس واحد للمؤسسة بنكية مغربية.
موقع “Cooperativa” قال باللي التحقيق كيدور على واحد المحتوى اللي تنشر فشهر أبريل ديال 2024 فواحد القناة فالسوشيال ميديا سميتها “Expediente Royuela”، وفيه واحد الهضرة  مخدومة  كتقول باللي كاينة علاقات فيها الصرف  وحسابات بنكية مشتركة بين بيغونيا غوميز و رئيس مجموعة التجاري وفا بنك.

التحقيق بيّن باللي هاد القضية تحركات من بعد شكاية رسمية دارتها المؤسسة البنكية المغربية اللي تضرّات من هاد الشي، والقاضي أكد باللي الوقائع اللي ثابتة كتبان أن الهضرة “مخترعة من اللول للخر”.

وحسب نفس الموقع الإسباني، محمد الكتاني عطى شهادتو ونفى نهائياً يكون وقع شي تواصل بينو وبين مرات سانشيز، وقال باللي ما كيعرفهاش شخصياً، وهاد الكلام جا مطابق للتصريحات ديال بيغونيا غوميز اللي اعتبرت داكشي كامل “غير تزوير صافي”.

https://m.cooperativa.cl/noticias/mundo/espana/espana-procesan-a-sujeto-por-difundir-dialogo-falso-de-la-esposa-de/2026-02-05/180526.html