الرئيسية > تبركيك > مدرسة معروفة وسط الرباط تحولات لمزبلة بسبب “التخلويض”.. وها كيفاش تدخل بنكيران – تصاور
18/10/2021 19:00 تبركيك

مدرسة معروفة وسط الرباط تحولات لمزبلة بسبب “التخلويض”.. وها كيفاش تدخل بنكيران – تصاور

مدرسة معروفة وسط الرباط تحولات لمزبلة بسبب “التخلويض”.. وها كيفاش تدخل بنكيران – تصاور

كود الرباط//

تحولت مدرسة معروفة بالعاصمة الرباط، إلى مأوى للقطط والكلاب والمشردين، بعدما كانت مؤسسة لها صيت ومكانة لدى ساكنة حي المحيط.

وحسب معطيات “كود” فإن إعدادية المحيط الكائنة بشارع المقاومة، أغلقت بسبب سوء تدبير لصفقة تجهيز المؤسسة، من طرف مقاول يقبع حاليا في السجن، نظرا لتاريخه السيء والوسخ لي عندو مع المؤسسات العمومية.

ف سنة 2010 نالت شركة الشقروني صفقة تهيئة إعدادية المحيط بالرباط بمبلغ 200 مليون سنتيم، وبعد مباشرتها العمل، رفض المهندس المكلف بتتبع الأشغال، والذي يشتغل مع أكاديمية التعليم بالرباط، التوقيع على فاتورة الأشغال.

هنا ناضت الحرب بين المقاول ووزارة التربية الوطنية، الاخيرة بقات عاجزة من استرجاع المؤسسة وخلاتها ضايعة بسبب مسؤول الأكاديمية الحالي اضرضور لي مافيدوش، وبين انه مقدش يرد مدرسة عندها تاريخ فحي المحيط.

اللي ضايع فهاد المدرسة هما التلاميذ والاسر ديالهم، خصوصا بعد اغلاقها تم تفريق على اعداديات أخرى واخا بعيدة شويا.

رئاسة الحكومة ف عهد بنكيران، كانت واضحة، قالت ف بيان سابق بلي :”هاد المقاول لم يحترم بنود الاتفاق”.

رئاسة الحكومة أوضحت بلي هاد المقاول كيطالب بشي أثمنة لا تعكس القيمة الحقيقة للأشغال المنجزة من طرف شركته.

اللي لاحظ بعض المتتبعين، هو أن هاد المقاول فيما حط رجليه كينوض المشاكل، وكيدارو عليه شكايات، اخرها شكاية ديال النصب والتزوير، واللي مشا فيها عامين ديال السجن النافذ.

ودبا كثر من 10 سنين الاعدادية مسدودة بسبب التخلويض اللي كان ف تجهيزها.

موضوعات أخرى

29/11/2021 23:00

ها الصح.. المغرب هو البلد الإفريقي الوحيد اللي قرب من المعايير الأوروبية الخاصة بنسب التلقيح ضد كورونا.. 60 فالمية من السكان خداو الفاكسان و الدزاير مليوحة اللور ب 11 فالمية