وكالات//

دارت مدرسة بريطانية حالة من الغضب بعدما منعات استخدام المرايات ف طواليطات ديالها، وقالو بللي التلاميذ كيقضيو وقت طويل وهوما كيشوفو راسهم فالمرايا.

مدير المدرسة، غرانت إدغار، فرض هاد القاعدة بعدما جات أخبار أن التلاميذ كيقضيو بزاف ديال الوقت متجمعين فطواليطات فالمؤسسة، وهادشي كيخليهم يتأخرو على الدروس.

إدغار قال إن المرايا “كانو كيأثرو على احترام المواعيد”، وأوضح أنه إلا بدا كل درس فالسنة الدراسية متأخرين دقيقتين، التلاميذ غادي يخسرو 6.4 يوم من وقتهم.

وقال إدغار لـ”بي بي سي” إن الناس لي محتاجين مرآة “لغرض طبي” يقدرو يطلبوها من عند الاستقبال.