گود سبور- فيلادلفيا//

عبر الطالياني أگور تودور مدرب يوفنتوس على الاحترام للوداد الرياضي اللي غايلعبو ضدو اليوم الاحد 22 يونيو 2025، وأكد أن الفريق الأحمر عندو إمكانيات.

وهضر مدرب يوفنتوس قبل الماتش ضد الوداد، وقال: “الوداد غايكون خصم مختلف، والماتش غايكون فوقت مختلف، ووجدنا له مزيان كيف ديما، وراه هذا ماتش مهم بزاف ضد فريق عندو إمكانيات، وخاصنا نلعبو مزيان المباراة كاملة”.

وكمل مدرب يوفنتوس: “الوداد كانو يقدرو يماركيو 2 بيوتا على مانشستر سيتي فالشوط الأول، وإلى تأهلنا بكري غايكون هذا الشي مزيان، ولكن ما نقدروش نسبقو الأحداث، خاصنا نلعبو ماتش بماتش”.