كود سبور//

كشف الفرنسي لويس گاسيت مدرب أولمبيك مارسيليا الفرنسي أن الدولي المغربي عز الدين أوناحي، كيضرو الصبع ديال رجلو وديما عاطيه الصداع.

وهضر مدرب أولمبيك مارسليا على جاهزية اللاعبين ديال الفريق قبل ماتش أتلانتا فلالي ديال دومي فينال اليوروبا ليگ وقال: “عز الدين أوناحي ضارو الصبع ديال رجلو اللي كان دار عليه عملية، وما كيتهدنش عليه گاع”.

وكان عز الدين أوناحي تهرس فالصبع ديال رجلو اليمنى فعام 2023، وبالضبط فالماتش أميكال بين المغرب والبرازيل، ودار عملية وگلس من وراها مدة عاد رجع يلعب.