گود سبور//

كشف الطالياني روبيرتو دي زيربي مدرب أولمبيك مارسليا الفرنسي على خبار زوينة بخصوص الحالة الصحية ديال النجم المغربي نايف أگرد اللي توعت مدة هادي، ودخل الخوف للجمهور المغربي قبل كاس أفريقيا “المغرب2025”.

اليوم الجمعة وخلال الندوة الصحافية اللي كاتسبق ماتش أولمبيك مارسليا وتولوز غدا السبت ضمن منافسات بطولة فرنسا، قال روبيرتو دي زيربي فـ تصريح له: “نايف أگرد غادي يرجع للگروب د الفريق، والرجوع ديالو خبر مفرح”.

وكان نايف أگرد توعت قبل حوالي 3 أسابيع فـ ماتش ديال أولمبيك مارسليا فـ العانة، وغاب على المنتخب الوطني المغربي فـ جوج ماتشات وديين ضد موزمبيق وأوگندا اللي كانو فـ التوقف الدولي الماضي فـ هاد نوفمبر بطنجة.