گود سبور//

زاد مدرب ليل الفرنسي برونو جينيسيو كبّر الشكوك بخصوص الحالة الصحية ديال الدولي المغربي حمزة ايگمان اللي كان توعت قبل أيام فـ ماتش الفريق ضد مارسيليا وخرج، والمشاركة ديالو فـ كاس أفريقيا مع المنتخب المغربي فـ الشك، وهذا الشي على بعد 12 يوم من بداية البطولة.

وخلال ندوة صحافية لبرونو جينيسيو مدرب ليل، هضر على حالة حمزة ايگمان، وقال: “أنا ماشي طبيب، اللي نقدر نقول هو انه موعت فالفخذ ليمني ديالو، اما على مدة الغياب ما عنديش شي معلومات إضافية، قرار المشاركة ديالو فـ كاس افريقيا غايكون بالتشاور بين الطاقم التقني ديال المنتخب المغربي والطاقم التقني ديالنا”.

وكمل مدرب ليل وقال ان هاد النوع من الإصابات اللي توعت به حمزة ايگمان ما كايكونش متوقع داكشي علاش صعيب تحديد مدة العلاج منو بدقة.