كود سبور//

باغيين فيورنتينا الإيطالي يخليو معهم الدولي المغربي سفيان أمرابط، اللي رجع من الإعارة بعدما دوز الموسم الماضي مع فريق مانشستر يونايتد النگليزي.

وبعدما شارك سفيان أمرابط مع فيورنتينا فماتش أميكال ضد فريق فرايبورگ الألماني، قال مدرب الفريق الإيطالي رافاييلي بالادينو فتصريح له على النجم المغربي: “مادام هو معنا فأنا فرحان”.

وكمل مدرب فيورنتينا وهو كايدوي على سفيان أمرابط: “غانكون فرحان وبتدريب ديالو لعام كامل”.

ولعب سفيان أمرابط مع فيورنتينا فماتش أميكال ضد فرايبورگ الألماني اكثر من 60 دقيقة، وأغلب المؤشرات كاتقول أنه غايبقى مع فيورنتينا وما غايرجعش لمانشستر يونايتد، واخا الفريق النگليزي كان جاب اللاعب لعب معه بموجب عقد إعارة لمدة موسم واحد مع إمكانية شراء العقد بصفة نهائية.