كود سبور//

ممكن يلعب الدولي المغربي نايف أگرد مع ريال سوسيداد ضد ريال مدريد ذهاب دومي فينال كاس ملك إسبانيا، اليوم الاربعاء واخا موعت ولكن الاصابة ديالو ماشي صعيبة.

وكشف مدرب ريال سوسيداد امانويل ألگاسول على الحالة الصحية ديال نايف أگرد وقال فتصريح له قبل مواجهة ريال مدريد: “أگرد باغي يلعب، واخا ما تدربش والتوقف ديالو على التداريب كان اجراء احتياطي”.

وزاد وضح مدرب أگرد وقال على الحالة الصحية ديالو: “الاصابة اللي عندو بسيطة وما كاين حتى مشكل، هو غايكون فالتيران حيث دهنيا مزيان وكايبرا دغيا وما عندوش ألم”.