كود سبور//

مازال الدولي المغربي نايف أگرد موعت بسبب الاصابة اللي جاتو فماتش الفريق ديالو ريال سوسيداد ضد ريال مدريد الثلاثاء الماضي فكاس ملك اسبانيا.

وكشف مدرب ريال سوسيداد، ايمانول ألف والگواسيل فتصريح له أن نايف أگرد عندو اصابة فالركبة ديالو، ومازال ما براش منها، وما غايلعبش غدا مع الفريق ضد لاس بالماس ضمن الجولة 30 من بطولة الصبليون، وقال ان الأمل ديالهم يلعب معهم ضد ريال مايوركا السبت الجاي ضمن الجولة 31 من لاليگا.

وكايعاني نايف أگرد بزاف من الاصابة منذ مدة، وهذا الشي أثر عليه وخلاه ما يقدرش يزير للقدام فالكاريير ديالو، وراه هذا الموسم كايلعب غير إعارة مع ريال سوسيداد من ويستهام النگليزي حتى يسالي الموسم.