كود سبور//

هاجم الطالياني إنتسو ماريسكا مدرب تشيلسي النگليري بقوة المشرفين على تنظيم مسابقة كأس العالم للأندية المقامة حاليا فالميريكان وعلى رأسهم الفيفا، بسبب قوة التوقفات اللي كايعرفوها الماتشات نظرا للجو فالمدن الأمريكية.

وهضر مدرب تشيلسي ماريسكا فتصريح له بعد نهاية ماتش الفريق ديالو تشيلسي النگليزي ضد بنفيكا البرتغالي، واللي حتى توقف، وقال: “بالنسبة ليا هذه ماشي كرة قدم، توقفت 6 الماتشات هنا، وهذا الشي مثير للسخرية وهادي ماشي كرة قدم، راني متفهم أن هذا الشي لأسباب متعلقة بالسلامة وخاص يتوقف الماتش ولكن إلى توقفت 7 او 8 الماتشات فهذا الشي كايعني أن هذا ماشي المكان المناسب لإقامة هذه البطولة”.

وتوقف ماتش تشيلسي وبنفيكا، البارح السبت ضمن ربع نهائي كأس العالم للأندية لحوالي ساعتين من الوقت، ووصل الطوطال ديال الماتش لـ4 ساعات 38 دقيقة، وكان التوقف بسبب حالة الطقس والتحذير من عاصفة.