كود سبور//
اعترف الأرجنتيني رامون دياز مدرب الهلال السعودي أن الفريق ديالو تأهل إلى نصف نهائي كأس العالم للأندية، من بعد ماتش صعيب مع الوداد الرياضي فالربع ومازالين اللاعبين ديالو كيعانيو من العياء ديالو اللي يقدر يؤثر عليهم أمام فلامينكو البرازيلي فدومي فينال البطولة.
وتحدث رامون دياز مدرب الهلال السعودي فالندوة الصحافية اللي تكتسبق ماتش فريقو مع فلامينكو البرازيلي فدومي فينال الموندياليتو، وكشف أن عدد من اللاعبين فالهلال كيعانيو من الإرهاق والعياء بسبب الجهد اللي حطوه مع الوداد فالماتش الماضي فالربع.
وأكد مدرب الهلال السعودي أن الماتش ضد الوداد الرياضي كان صعيب، والدليل أنه تلعب فاربع أشواط إضافية وأن المواجهة مشات حتى لضربات الترجيح، وهادشي تسبب فإرهاق هدد من اللاعبين ديالو.
