كود سبور//

واصل البرتغالي ريكاردو سا بينتو مدرب الرجاء الرياضي، إثارة الجدل وهذه المرة وفبلاصة ما يهضر على الماتش المصيري ديال الفريق الاخضر ضد مانيما يونيون الكونگولي اللي لاعبين معهم، اليوم السبت بكينشاسا بالكونگو الديمقراطية ضمن دوري ابطال إفريقيا، ناض يهضر على فريق ما لاعبش معه دابا وهضر على مسابقة ما لاعبش فيها دابا.

وفي خطورة جديدة تثير الاستغراب حول الطريقة باش كايفكر ريكاردو سا بينتو مدرب الرجاء الرياضي، اختار يهضر قبل ماتش الرجاء ضد مانيما الكونگولي وعلى دوري أبطال افريقيا، وبدا يهضر على فريق نهضة بركان وعلى البطولة الاحترافية، وبطريقة ممكن يعتبروها بزاف ديال المتابعين ان فيها شويا ديال الهجوم على الفريق البرتقالي، اللي أصلا سا بينتو ما عندو علاقة به، صحيح انه منافس له فالبطولة الاحترافية، ولكن راه ماشي خصم للرجا دابا والفريق الاخضر لاعب دابا شومبيونزليگ وماشي البطولة الاحترافية.

وقال ريكاردو سا بينتو خلال الندوة الصحافية التي تسبق مباراة الرجاء الرياضي ومانيما يونيون بكينشاسا بالكونگر الديمقراطية: “نهضة بركان كايربحو بالزهر فالبطولة، وربحو بزاف ديال الماتشات ما كانوش يستاهلو فيهم الرباح، وحتى حنا غاتجي نوبتنا، دابا المهم هو نركزو مزيان على مانيما، وباغيين نمشيو بعيد في دوري أبطال افريقيا”.