الرئيسية > كود سبور > مدرب البرتغال: كريستيانو تقلق حيث كان احتياطي ضد سويسرا وها شنو وقع معه
09/12/2022 11:49 كود سبور

مدرب البرتغال: كريستيانو تقلق حيث كان احتياطي ضد سويسرا وها شنو وقع معه

مدرب البرتغال: كريستيانو تقلق حيث كان احتياطي ضد سويسرا وها شنو وقع معه

كود سبور//

أكد فيرناندو سانتوس مدرب منتخب البرتغال خصم المنتخب الوطني المغربي فربع نهائي كاس العالم قطر 2022،  أن كريستيانو رونالدو ما عجبوش الحال ملي ما شاركش ضد سويسرا فثمن نهائي المونديال ولكن ما هدددش بالرحيل عن المنتخب.

وقال فيرناندو سانتوس مدرب منتخب البرتغال فالندوة الصحافية اللي كتسبق ماتش المغرب ومنتخب بلادو: “أنا ورونالدو تكلمنا وهو الكابيتان ديال المنتخب البرتغالي وكيمثل شي حاجة كبيرة للبرتغاليين سوا بالنسبة الفريق الوطني أو بالنسبة للشعب”.

وكشف مدرب البرتغال وقال: “تكلمت مع كريستيانو نهار ماتش سويسرا قبل لغدا وشرحت له الأسباب اللي خلاتني ما نلعبوش رسمي فهداك الماتش، باش ما يتفاجأش وفهمتو بلي هادي استراتيجية وخطة ديالنا فهاد الماتش والمهم فيها هو أنه ما يكونش لاعب فالبدية ديال الماتش”.

وكمل فيرناندو سانتوس لكلام ديالو وقال: “كنا كنتوقعو أن الماتش ضد سويسرا غادي يكون صعيب بزاف وأنا بغيت نخليه حتى للشوط الثاني وهادشي اللي كان فالجولة الثانية، وطبعا رونالدو ما كانش عاجبو الحال حيث ديما وهو لعاب أساسي، وسولني واش هاد الفكرة عندك مزيانة، وشرحت له وجهت النظر ديالي وهو تقبلها وما قالش ليا باغي يرحل على المنتخب”.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب