الرئيسية > آش واقع > مداخيلهم مشات خلا.. القرارات الجديدة لمواجهة “اوميكرون” كتهدد بإفلاس المقاولات السياحية والمطاعم الفاخرة
28/11/2021 17:30 آش واقع

مداخيلهم مشات خلا.. القرارات الجديدة لمواجهة “اوميكرون” كتهدد بإفلاس المقاولات السياحية والمطاعم الفاخرة

مداخيلهم مشات خلا.. القرارات الجديدة لمواجهة “اوميكرون” كتهدد بإفلاس المقاولات السياحية والمطاعم الفاخرة

كود الرباط //

أزمة كورونا باقي ضاربة قطاع السياحة فالمغرب، وبوادر إفلاس مالي جديد لهاد القطاع بدات تبان بعد انتعاشة قصيرة، بحيث ان القرار الأخير للحكومي بإغلاق الحدود الجوية مع فرنسا تسبب في خسائر فادحة للمقاولات السياحية خصوصا المطاعم الفاخرة والفنادق ووكالات الأسفار.

وحسب بعض الفاعلين في قطاع السياحة تحدثوا مع “گود”، فإن الوضع لا يبشر بخير خصوصا وأن الكثير من الزبناء خصوصا السياح الأجانب بداو يتراجعوا عن الحجز في الفنادق والسفر للمغرب، هادشي على بعد أسابيع قليلة من راس العام.

وقال بعض الفاعلين بأن القرارات الحكومية الأخيرة أضرت بالاستعدادات لي دايرين عدد من المقاولات السياحية للاحتفالات راس العام لي كتكون فيها المداخيل طالعة.

دبا عدد من الدول رجعت الإغلاق بسبب المتحور الجديد “اوميكرون”، والمغرب ماشي بعيد من سيناريو الإغلاق من جديد، غير هاد الإغلاق غاتكون عندو تكلفة غالية، يعني الفرضيات اللي بنات عليها الحكومة مشروع ميزانية 2022 خصها تراجع، اي كاينة إمكانية يكون قانون مالية تعديلي..

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين