وكالات//

أثار الرئيس الأمريكي دونالد ترامب مخاوف صحية جديدة، من بعدما بان كيعْرَج بشكل واضح وهو كيقضي الوقت مع حفيدو فـ البيت الأبيض.

وبان ترامب، اللي عندو 79 عام، وهو كيلعب الكرة الأمريكية مع حفيدو ثيودور كوشنر اللي عندو 9 سنين فـ ممرّ المشاهير الرئاسي، ولكنّ الفيديو اللي وثّق اللحظة ورّاه واقف ماشي ثابت مزيان على رجليه.

وكان ترامب كيجرّ واحد الرجل وهو كيمشي، وهادشي خلى الفيديو يوصل قريب لمليون مشاهدة فموقع X.

وتفاعلو الناس فالموقع بسخرية على طريقة مشيه؛ واحد فيهم كتب: “المشية ديال الرئيس خاصّها اختبار ديال الكحول”.

هاد المخاوف جات من بعد ما قال طبيب نفسي سريري، الدكتور جون غارتنر، باللي التنسيق الحركي عند ترامب تراجع فـ السنين الأخيرة، وباللي تأرجح الساق اليمنى يمكن يكون علامة على واحد النوع ديال الخرف الجبهي الصدغي.

وقال غارتنر: “إلا شفتي كيفاش كيمشي، غادي تلاحظ أنه كيدوّر رجليه اليمنى ديالو فـ نص دائرة بحال إلى كانت تقيلة بحال شي وزن ميت، وهاد التأرجح كيعتبر علامة تشخيصية لنوع معيّن من الخرف”.

ترامب نفى هاد المخاوف فالأشهر اللي فاتت، وقال باللي دار فحص طبي فالبيت الأبيض وبيّن أنه فصحة بدنية وذهنية مزيانة.