كود- مدريد //

قالت جريدة El País الإسبانية أن مدريد قررات تسد المجال الجوي ديالها قدّام الطيارات لي داخلة فالحرب ضد إيران.
هاد  القرار ماشي غير كيمنع استعمال لاباز ديال روتا ومورون دي لا فرونتيرا من طرف الطيارات الحربية  ولكن حتى الطيارات المريكانية لي جاية من دول أخرى بحال بريطانيا ولا فرنسا ما بقاتش تقدر تدوز من الأجواء الإسبانية.

وزيرة الدفاع الإسبانية، مارغريتا روبليس قالت صحافيين اليوم الاثنين، باللي إسبانيا ما غاديش تسمح باستعمال القواعد العسكرية ديالها ولا المجال الجوي ديالها فشي عمليات عندها علاقة بالحرب على إيران.

وبهاد التصريح، أكدت روبليس المعلومات اللي كانت نشرتها الجريدة الإسبانية “إل باييس”

للٱشارة واشنطن لقات صعوبات باش تقنع الحلفاء الأوروبيين يشاركو فشي تحالف لحماية هاد الممر البحري، حيث التركيز ديال أوروبا دابا كيبقى أكثر على دعم أوكرانيا.