گود سبور//

ناوي الدولي المغربي محمود بنتايك يتزوج ببنت مسؤول فـ الزمالك المصري اللي كايلعب فيه، واخا المشاكل اللي عندو مع النادي وأنه غادي يمشي بحالو بسبب المستحقات ديالو اللي ما خداهاش.

ونشرت جريدة مصراوي المصرية، تصريح لأحمد سليمان عضو إدارة الزمالك المصري، قال فيه: “سيتم عقد قران ابنتي على لاعب نادي الزمالك ومنتخب المغرب محمود بنتايك، خلال شهر ديسمبر الجاري”.

وداير محمود بنتايك اللي كاين دابا مع المنتخب الوطني المغربي المشارك فـ كأس العرب، (داير) بوليميك فـ مصر هو والزمالك وأنه قرر يمشي بحالو بسبب المستحقات ديالو اللي ما خداهاش وأنه جاوه عروض من الأهلي والخليج.