وكالات//

قدم مغني الراب الميريكاني المشهور شون كونز الاعتذار ديالو، بعدما نشرات قنوات تلفزية فيديو كيبين الاعتداء ديالو بالضرب على مراتو السابقة المغنية كاسي فينتورا، فواحد لوطيل في لوس أنجلوس.

ونشر الرابور الميريكاني المعروف واحد الفيديو على الكونط ديالو على إنستغرام قال فيه: “هاد التصرف ديالي غير مقبول”.

ووصف كونز الفيديو والتصرف ديالو بأنه قززو بزاف، ومحملش راسو، وقال أنه تبدل بعدما مشا عالج راسو من الإدمان والعنف.

هاد الرابور لي عندو في العمر 54 عام، متهم من عام 2023 ببزاف ديال التهم عندها علاقة بالاغتصاب والاستغلال الجنسي والضرب والجرح.