گود سبور//

أكد الناخب الوطني محمد وهبي أن تواجد كل من أشرف حكيمي لاعب باريس سان جرمان الفرنسي وإسماعيل الصايباري لاعب بايرن ميونخ الالماني، فلاليست المنتخب الوطني المغربي استعدادا لمواجهة كل من الگابون وليسوتو ضمن إقصائيات كاس إفريقيا 2027، مهم واخا موقفين من طرف الاتحاد الإفريقي لكرة القدم.

وخلال ندوة صحافية عقدها محمد وهبي اليوم الخميس للإعلان على اللائحة ووضح محمد وهبي: “بالنسبة لأشرف حكيمي وإسماعيل الصايباري علاش غادي نحرمو ريوسنا منهم وهما موقفين غير فماتش، وحنا كانوجدو لكاس أفريقيا، وما ننساوش أن حكيمي هو الكابيتان، وبقى كايأكد باش يكون معنا، وحنا دابا فنهاية سبتمبر وهما مستقرين مع أنديتهم وما كانشوفش بلي كاين علاش ما نعيطوش لهم، وحتى هما ما غاديش يبغيو ما يكونوش معنا”.

وكان الاتحاد الأفريقي لكرة القدم، عاقب كل من أشرف حكيمي وإسماعيل الصايباري بسبب أحداث ماتش فينال كاس إفريقيا “المغرب 2026”، بين المنتخب المغربي والسنغالي ووقفهم ماتش لكل واحد.