محمود الركيبي -كود- العيون//

قالت مصادر مطلعة لـ”كود”، بلي رئيس مجلس المستشارين محمد ولد الرشيد، بدا الخدمة فالمجلس بالتخلي على السيارة المخصصة لتنقلات الرئيس، وكيتنقل فسيارتو الخاصة.

وأضاف المصدر ذاته، بأن القيادي البارز فحزب الاستقلال، ولي كيترأس دابا مجلس المستشارين، سيدي محمد ولد الرشيد، بالإضافة إلى تخليه على استخدام سيارة رئيس المجلس تخلى كذلك على راتبو الشهري كرئيس للغرفة الثانية، وتخلى على تعويضات التنقل والسفريات.

يذكر بلي هاد القرار لي دارو سيدي محمد ولد الرشيد، بدات الإجراءات الإدارية فيه حيت علم الكاتب العام لمجلس المستشارين بهاد القرارات باش تتحول هاد التنزلات المادية السمينة لمصلحة الأعمال الاجتماعية للغرفة الثانية، وباش تكون رسمية.