الرئيسية > تبركيك > محمد الريفي اللي كان حاصل فمصر رجع لبلادو لبارح.. ومراتو لـ”كود”: حنا فأوطيل فبني ملال وتعاملو معانا مزيان وأمورنا بيخير
03/07/2020 21:00 تبركيك

محمد الريفي اللي كان حاصل فمصر رجع لبلادو لبارح.. ومراتو لـ”كود”: حنا فأوطيل فبني ملال وتعاملو معانا مزيان وأمورنا بيخير

محمد الريفي اللي كان حاصل فمصر رجع لبلادو لبارح.. ومراتو لـ”كود”: حنا فأوطيل فبني ملال وتعاملو معانا مزيان وأمورنا بيخير

عفراء علوي محمدي- كود//

لبارح الخميس، محمد الريفي رجع للمغرب هو ومراتو سكينة فالطيارة اللي جابت المغاربة العالقين من مصر، واللي كانو حاصلين فيها أكثر من 3 أشهر بسبب إغلاق الحدود الجوية والبحرية بسبب فيروس كورونا المستجد.

سكينة، زوجة الريفي، قالت أن أومورهوم كلها بيخير، وانهم كيدوزو الحجر الصحي فأحد الفنادق فمدينة بني ملال فأحسن الظروف.

وكشفات سكينة، فتصريحها ل”كود”، أن العالقين اللي جاو تقسمو على مجموعة من الفنادق فالمدينة، وأكدات أنها هي وراجلها دارو اختبارات كورونا فور الوصول ديالهم فالمطار، وفلوطيل تعاملو معاهم مزيان.

وللإشارة، طيارة تابعة للخطوط الملكية المغربية “لارام” جابت معاها المغاربة الحاصلين فمصر، واللي كيبلغ العدد ديالهم 152، من بينهم جوج رضع.

والسفارة عطات الأسبقية للناس الكبار والمراض واللي مافحالتهومش واللي تسالات او قربات تسالي الفيزا ديالهم، واللي كيتواجدو فوضعية هشاشة.

موضوعات أخرى

14/08/2020 07:00

باش يديرو الخاطر لترامب.. ميريكان بغات تزيد فالما ديال روبنيات الدوش بعدما تشكى الرئيس من الروتين الخاص بغسيل شعرو