اسماء غربي – كود//

خاص ضروري يتم تقنين الصفحات ديال فيسبوك لي خدامين بمقولة “جيب أفمي وكًول”.، لي عندو شي 10 دراهم ديال الانترنت يبدا يكتب داكشي لي قال ليه راسو؟ ماشي معقول.

الفكاهي محمد الخياري لي ماتت الام ديالو مكملاتش شهر، ناضو شي صفحات كيكذبو وكيقولو  ولدو مريض، وعندو هو شخصيا مشاكل صحية وديال الفلوس… قبل ما يخرج ويكذب كلشي.

وكتب الخياري في تدوينة فايسبوكية “كاع داكشي لي فالصفحات كذوب. لا علاقة لها بالواقع أو الحقيقة “.

وماتت أم الخياري في 14 فبراير، نهار عيد الحب، وقال فگنازتها “في عيد الحب فقدت أعظم حب”.