كود سبور//

تعرضو لاعبين الوداد الرياضي للرشق بالحجر من طرف شي هرگاوا محسوبين على جمهور فريق الجيش الملكي، خلال ماتش الفريقين البارح الخميس فتيران القنيطرة، برسم الجولة 13 من منافسات البطولة الاحترافية.

وبعد نهاية الماتش بين الجيش الملكي والوداد الرياضي بنتيجة التعادل الإيجابي، دخل مدرب الواك رولاني موكوينا للندوة الصحافية، وجايب معه شي حجرات، باش يؤكد تعرض اللاعبين ديالو للرشق بالحجارة.

وقال رولاني موكوينا: “هاد الحجر ترمى على اللاعبين دياولنا وتفاداوهم ومن بينهم الگول ديالنا يوسف المطيع، كانتأسف حيث جبت هاد الحجر إلى هنا ولكن كان عليا نجيبوهم قبل ما يفقد شي واحد الحياة ديالو، راه الكورة ما فيهاش هذا الشي والمغرب ماشي هو هذا.. المغرب بلد رائع”.