كود سبور//

يقدر يخرج الدولي البرازيلي داني ألفيس اللاعب السابق للبارصا من الحبس بالسراح المؤقت، بعدما تحكم عليه ابتدائيا بالحبس مدة 4 سنين ونص بتهمة الاعتداء الجنسي على بنت فإسبانيا.

وكشفت جريدة “موندو ديبورتيفو” الإسبانية الشهيرة، أن محكمة كتالونيا بدات البارح الثلاثاء جلسات الاستماع فقضية الاعتداء الجنسي ديال داني ألفيس، وهذا الشي بعدما استانف دفاع اللاعب البرازيلي والمدعي العام الحكم الابتداء، وأن الإفراج عليه مؤقتا ومتابعتو فحالة سراح ممكنة.

وحسب نفس المصدر، وبقرار من المحكمة فداني ألفيس يقدر يخلص كفالة مليون أورو، ويخرج بسراح مؤقت، مقابل يحيدو له الباسبور ديالو باش ما يخرجش من الأراضي الإسبانية، مع العلم أنه خاصو يبقى يمشي كل سيمانة للمحكمة، وما خاصو يبقى بعيد مسافة 1000 متر على دار المشتكية ضدو ومقر خدمتها وأي بلاصة تمشي لها هي، وما يتواصلش معها.