وكالات//

المحكمة الاقتصادية فالقاهرة حكمات اليوم الأربعاء ببراءة الفنانة شيرين عبد الوهاب من تهمة السبّ والقذف، فالقضية اللي رفعها عليها مدير حساباتها السابق فمواقع التواصل الاجتماعي، واللي كان كيتّهمها بلّي أساءات ليه بعدة طرق.

مصادر قضائية قالت بلّي المحكمة بنات الحكم ديالها على قلة الأدلة، وما كاينش ما يكفي باش يدينُو شيرين، حيث تمّ الاستماع للمرافعات وتقلّبت كل الوثائق ديال القضية، وما بان فيها ما يثبت الاتهامات ضدها، حسب ما جا فصحف محلية.

الحكم جا من بعد ما كان مدير حسابات شيرين السابق رفع دعوى ضدها فالمحكمة الاقتصادية قبل مدة طويلة، كيطالب فيها بمعاقبتها على السبّ والقذف، وقال بلّي شيرين وجهات ليه كلام كيسيء ليه ويمسّ الشرف والسمعة ديالو، وزاد طالب بتعويض مؤقت قدره 200 ألف جنيه.

وخلال الجلسات، المحامي ياسر قنطوش اللي كيدافع على شيرين، قدّم أدلة قوية كيبين بها بلّي التهم ما عندها حتى أساس، وأكد بلّي القضية ما معتمداش على وقائع صحيحة ولا أدلة قانونية كافية، وقال بلّي الخلاف بيناتهم أصله مشاكل مهنية قديمة.