سامي العلوي -كود كازا //

كشفات مصادر “كود “ان قاضي التحقيق بالمحكمة الجزرية ديال كازا هبط دبا موثقة سابقة بمدينة برشيد ،للحبس ديال عكاشة بسبب تهمة التزوير وخيانة الأمانة وإصدار شكايات تعود في ملكية زوجها دون علمه او اي وصل عدد الشيكات 90 او القيمة ديالهم هي 500 مليون سنتيم او مزال تحقق مع مجموعة من تجار ديال الذهب لي داخلين معاها لهذا الفلم .

هذا الشي وقع بعدما احالت لابيجي بولاية امن كازا الموثقة وتجار ديال الذهب او لي كانو يسلفوها الفلوس بالفائدة، بعدما تعطيهم الشيكات ديال الزوج مزورة بتوقيع منها على سبيل الضمانة، عدد الشيكات يفوق 90 شيك بمبالغ تفوق 500مليون سنتيم .

المصادر ديال “كود ” تضيف ان الابحاث التي باشرتها عناصر الشرطة القضائية بولاية امن كازا كشفات أن اكثر من 20 شيك مزور صرفتو المتهمة من البنك ديال الزوج دون إثبات التوقيع، والقضية فيها اتهامات خطيرة ضد مدير البنك لي حتى هوا غادي يفتح تحقيق في حقو بسبب التقصير بالمسؤولية .

وفق المصدر ذاته أن أربعة أشخاص من المشبه فيهم قاموا بحجز الممتلكات الضحية بمدينة سطات على شكل عقارات في ملكيته في زمن قياسي ،فيما لازالت الأبحاث والتحريات لازالت متواصل باش تفكك هاد الريزو لي متخصص في البيع والشراء في الشيكات وحجز ممتلكات الغير دون علمهم .