وكالات//

كتعاود هيئة المحلّفين فولاية فلوريدا كتنظر فالمصير ديال واحد الراجل فسبعينات العمر ديالو، اللي تحكم عليه قبل سنين فواحد القضية الصادمة اللي راجعة لعام 1998، من بعدما خطّف طفلة عندها 5 سنين وخلاّها فواحد المنطقة اللي عامرة بالتماسيح، واللي تسبّبات فوفاتها.

هاريل برادي، عندو 76 عام، ممكن يتحكم عليه بالإعدام مرة أخرى، من بعد ما تدان فـ2007 بجرائم القتل العمد من الدرجة الأولى، ومحاولة القتل، والاختطاف، فالقضية ديال مقتل الطفلة كوانتيشا “كاندي” مايكوك، واختطاف أمّها شانديل مايكوك، حسب سجلات المحكمة العليا ديال فلوريدا.

وكانت هيئة المحلّفين حكمات عليه بالإعدام بـ11 صوت مقابل صوت واحد، ولكن تلغى الحكم فـ2017 حيث اعتابرو أن فرض الإعدام بلا إجماع هيئة المحلفين مخالف للدستور. دابا رجعات القضية للمحكمة فظل قانون جديد تصادق عليه فـ2023، اللي كيسمح بالحكم بالإعدام بأغلبية 8 أصوات مقابل 4.