كود بني ملال//

محكمة بني ملال سالات مع العشية لبارح الجلسة ديال المحاكمة اللي دامت أكثر من عشر سوايع فـ ملف “جيل Z”، وخرجات المحكمة بأحكام مختلفة فحق الناس اللي متابعين فالقضية.

المحكمة حكمات على بدر بـ6 سنين ديال الحبس النافذ، وعلى أنس بـ عامين نافذة، وباقي المتابعين خدّاو 8 شهور موقوفة التنفيذ.

وفالجلسة اللي طولات بزاف ودازت فيها مرافعات كثيرة، المتهمين نفْاو كاع التهم اللي تنسبات ليهم، وقالو باللي هوما بريئين من داكشي اللي متابعين عليه.

المحامين ديالهم حتى هوما طلبو من المحكمة تبرّئهم حيث ما كايناش الأدلة الكافية باش يتْدانو.

القاعَة كانت عامرة بزاف بعائلات المتابعين وصحابهم، وكانو حاضرين حتى حقوقيين تابعو جميع مراحل المحاكمة.