وكالات//

رفضات محكمة النقض المصرية الطعن لي دارتو الممثلة المصرية المشهورة منى شلبي وأيدات الحكم عليها بعام ديال الحبس و10 آلاف جنيه، بتهمة حيازة المخدرات باش تستهلكها.

المحكمة دعمات حكم سابق ديال الجنايات لي عاقباتها بنفس العقوبات.

القضية كترجع لشهر نونبر من العام لي فات فين شدوها البوليس ديال الديوانة في مطار القاهرة وهي راجعة من نيويورك.

ولقاو البوليس في السكانير 5 ديال الساشيات ديال الحشيش من نوع الماريخوانا، و10 ديال السجائر الإلكترونية لقاو فيهم مادة مزيتة فيها مواد ديال الحشيش.