كود كازا//

قررات محكمة الاستئناف فكازا، اليوم الخميس، تأجيل الجلسة ديال القضية اللي متابعين فيها عزيز البدراوي، الرئيس السابق ديال الرجاء، ومحمد كريمين، اللي كان برلماني عن حزب الاستقلال ورئيس جماعة بوزنيقة، بالإضافة للمهندس مصطفى الطنجي. المحكمة حددات 20 مارس كموعد جديد للجلسة، باش يعطيو الوقت للدفاع باش يوجّد راسو.

الجلسة دازت فالقاعة 8 بغرفة الجنايات الابتدائية المكلفة بالجرائم المالية، وكانو المتهمين كاملين حاضرين. عزيز البدراوي كان كيمثلو المحامي محمد حيسي، نقيب هيئة المحامين فكازا، بينما كريمين والطنجي مزال خاصهم يكملو الإجراءات ديال الدفاع ديالهم قبل ما يبدا النقاش فالملف