كريم الصوفي – كود//
[email protected]
ذكرت صحيفة “بوبليكو”، أن السلطات القضائية الاسبانية باقي مسلماتش جثة المغربي اللي مات في حريق بمدينة ويلبا عام 2019 إلى الأسرة ديالو رغم التعرف على هويته، بناءا على نتائج فحص الحمض النووي. الجثة ديالو باقي ف مستودع معهد الطب الشرعي في ويلبة في انتظار قرار المحكمة.
وأضافت المصادر ذاتها، أن المصالح المغربية المعنية أكدات في نونبر 2021، هوية الضحية بعد مطابقة نتيجة الحمض النووي مع عينات جينية من عائلته ، لكن الشرطة القضائية الإسبانية طالبات بتقرير خبير أكثر تدقيق حتى توافق المحكمة على إعادة رفات العامل الموسمي المغربي اللي مات في 14 ديسمبر 2019 بعد حريق بلدة اندلع ف برارك بمنطقة بالوس دي لا فرونتيرا.
الضحية احترق بالكامل بسباب العافية والعائلة ديالو بمجرد ظهور نتائج اختبار الحمض النووي طلبات تسليم الرفات ديالو عدة مرات، لكن بدون تجاوب من طرف محكمة موگير. الضحية كان من بين مئات العمال الموسميين اللي خدامين ف فيرمات ديال منطقة ويلبة ومشا للصبليون حارگ باش يعاون عائلتو بمنطقة بوسلهام.
موضوعات أخرى
