كود – كازا ///

قالت جريدة “ABC” الإسبانية، أن محكمة بلد الوليد حكمات، مؤخرا، على رجل أعمال من أصل مغربي بالحبس والخطية بسباب استغلال مغاربة ف الفيرما ديالو. المتهم تحكم بالسجن لمدة عام باعتباره مرتكب جريمة ضد حقوق العمال. وتم اكتشاف هاذ الوقائع ف 14 سبتمبر 2022 من طرف مفتشية العمل والبوليس.

وأضافت الصحيفة الإيبيرية، أن عدد الضحايا ديالو هو 10 ديال العمال المياومين كاملين كيحملو الجنسية المغربية وكانو خدامين بلا وراق ف فيرما وغير مسجلين فالضمان الاجتماعي. وتصدر الحكم بشكل اتفاقي (عام ديال الحبس وتعويض قدره 1080 يورو)، فبلاصة 3 سنين وغرامة قدرها 4500 يورو اللي طلبها المدعي العام فالبداية.