كّود – كازا//

تقدمت مواطنة ألمانية منقبة عام 2016 بطلب إلى محكمة برلين للسماح لها بالسياقة وهي لابسة النقاب ديالها مبررة طلبها بحقها في إخفاء جسدها ومنع الآخرين من رؤية أي جزء منه.

المحكمة ديال برلين رفضات الطلب ديال المنقبة مبررة رفضها بكون الأولوية لقانون شرطة المرور الذي يفرض عدم تغطية السائق لملامح وجهه حتى يتيح لعناصر الشرطة وكاميرات الرادارات بالتعرف على هوية السائق من خلال وجهه.

المحكمة جاوبات النينجا بأن خدمة شرطة المرور لن تتمكن من التعرف عليها وهي ترتدي النقاب، وفي حال دارت شي مخالفة كيفاش غدي يقدرو يعرفوها لأن القانون يعاقب سائق المركبة وليس مالكها.

دفاع السيدة اللي فعمرها 33 عام، اقترح على المحكمة باش تحط الموكلة ديالو كود “QR” فوق النقاب ديال وجهها ملي تكون سايكّة باش البوليس يعرفوها، لكن المحكمة رفضات وبررات القرار ديالها بكون ذاك الكود غدي يكون مقترن بالنقاب ماشي بالشخص اللي لابسو، يعني الكود لا يحدد هوية الشخص بل مقترن فقط باللباس.

فاللخر القانون غادي يطبق ودابا ممنوع السياقة بالنقاب.