گود سبور//

اكد الدولي الجزائري رياض محرز أن الظروف غاتكون مزيانة ومناسبة فكأس إفريقيا “المغرب2025″، باش المنتخب الجزائري ينافس على اللقب، والمغرب فيه تيرانات مزيانين وعشب زوين وهذا الشي غايعاونهم باش يمشيو بعيد فالبطولة.

وفحوار له مع Le média carré قال رياض محرز: “المغرب بلد جار، وفيه الظروف نفسها اللي عندنا تقريبا، كل الظروف ممتازة والتيرانات مزيانين والگازون حتى هو وهذا الشي غايخلينا فواحد الوضع مزيان”.

وكمل كابيتان المنتخب الجزائري، وقال: “كانتمنى تكون كاس أمم أفريقيا المقبلة بطولة رائعة ونجحو نمشيو فيها لأبعد حد ممكن، والتتويج باللقب هو أكثر حاجة باغيها، وخاصنا نمشيو باش نديرو هذا الشي”.