عن الوكالات ///
تناقلات شي صفحات فمواقع التواصل خبر وفاة الفنان المصري هاني شاكر، ولي دار ضجة كبيرة وهادشي جا مع أخبار على وضعو الصحي الحساس ، لكيعرف تدهور فلفترة الأخيرة .
لكن مدير أعمالو خضر كنعان خرج وكذب هاد الإشاعات، وأكد أن خبر الموت ديالو أو دخولو فغيبوبة ماشي صحيح، ووضح أن الحالة ديالو “دقيقة” ولكن مازال حي وكيتلقى العلاج.
ومن جهتو، المحامي ديالو ياسر قنطوش خرج ببيان حذر فيه من نشر الأخبار الكاذبة، وقال بلي خاص الناس يتحراو الدقة وما ينشروش معلومات مامأكداش، حيت هاد الشي كيدخل فإطار أفعال كيعاقب عليها القانون.
وزاد كال أن هاني شاكر حي ويرزق وكيحتاج فهاد الوقت للدعاء والدعم بدل الإشاعات.
ويذكر، أن الفنان كان تعرض لوعكة صحية مفاجئة، دخل على إثرها للمستشفى فباريس، ودابا كيتعالج داخل قسم الإنعاش.
