كود سبور//

تتوصل جلسات محاكة المتهمين فقضية “البوسة صحا”، اللي متابع فيها الرئيس الأسبق للاتحاد الإسباني لكرة القدم بالاعتداء الجنسي على لاعبة المنتخب الإسباني النسوي جيني هيرموسو، ملي شدها من راسها خلال مراسم تسليم كاس العالم بأستراليا عام 2023، وباسها بزز منها، ومن بين المتابعين فالقضية المدرب الحالي للمنتخب المغربي للسيدات، الإسباني خورخي فيلدا، اللي متهم بالضغط على على اللاعبة هيرموسو ملي كان مدرب ديال منتخب عيالات اسبانيا باش تميك على الحادث.

وخلال جلسة اليوم الجمعة بمحكم مدريد فقضية “البوسة صحا” ترافع دفاع المدرب خورخي فيلدا عليه، وكشفت جريدة AS الإسبانية، أن المحامي ديال مدرب اللبؤات، نفى اي صلة للموكل ديالو بما نسب اليه، وقال للمحكمة أن التهم الموجهة إليه تخربيق وصافي وما كانتش خاصو يكون مع المتهمين أصلا والحجج المقدمة ضدو ضعيفة وهادي زعامة وتجرأ عليه.

وكان الإسباني خورخي فيلدا مدرب المنتخب الوطني المغربي للسيدات، أدلى بإفادته امام المحكمة الإسبانية بمدريد في قضية “البوسة صحا”، خلال جلسة الاربعاء الماضي وحسب ما نشراتو جريدة AS الإسبانية، وجّهت عدد من الاسئلة إلى خوخي فيلدا عندها علاقة بالمنسوب له ونفى ان يكون هضر مع اللاعبة جيني هيرموسو على موضوع “البوسا صحة” او يكون ضغط عليها فهذا الشي، ونفى ان يكون قد حذر شقيق جيني هيرموسو من عواقب إذا اللاعبة رفضت تتنازل على القضية، واكد انه عبر فقط على القلق ديالو، في الوقت اللي تطالب فيه المدعية العامة الاسبانية بالسجن له لمدة عام ونص بتهمة جريمة الإكراه.