كود الرباط ///

كسيدة وقعات السبت فالليل فالرباط مات فيها شيباني. قصة حزينة وفاجعة للعائلة ولكن هاد الحوادث كتكرر كل نهار فالبلاد. اللي مثير فهاد القصة، هو ان صاحب الفعلة محامي معروف فالعاصمة. كان عندو مناصب فمؤسسة كبيرة فالدولة.

كاين تضارب الروايات مع هاد الموضوع. مصادر ل”كود” قالت بالي دار لكسيدة وهرب. اخرى كتقول لكود” باللي ما انتبهش باللي دار كسيدة ومشى لدارو.

دابا صحابو المحامين اللي دايرين إضراب وما باغينش يخدمو، رفضا للقانون اللي كيهمهم واللي تصادق عليه فالبرلمان بغرفتيه، غاديين يحضرو معاه للتقديم هاد الصباح.

المحامي ما تعتاقلش وغيتابع فحالة سراح.