كود سبور//

أكد محامي عادل هالا أن الرجاء الرياضي، ديجا ربحو قضية الملف اللي عيط قاضي التحقيق بسبابو على الموكل ديالو للتحقيق اليوم الاثنين بالمحكمة الابتدائية الزجرية بالدارالبيضاء، حكمت فيه المحكمة لمصلحة الرجا في مرحلة الرئيس السابق (محمد بودريقة).

وهضر عبد اللطيف أدم، محامي عادل هالا، بعدما خرج رئيس الرجاء الرياضي من عند قاضي التحقيق، ووضح علاش عيط الأخير للموكل ديالو للتحقيق، وقال في تصريح له: “المحكمة التجارية حكمت، كانجيبو لهم حنا الأحكام والقرارات ديال المحكمة التجارية”.

وزاد وضح محامي هالا بخصوص العقد ما بين الشركة التجارية والرجا: “وقعو الرئيس السابق، ما وقعوش عادل هالا وشرحنا لهم فالمحكمة أن هالا ليس طرفا في هذا العقد وما عمرو وقع عليه والأمور كانت في الفترة السابقة وحتى الفترة السابقة دافعت على الحقوق ديال الرجاء الرياضي وحكمت المحكمة لصالح الرجا”.