گود كازا//

فرگع امبارك المسكيني محامي سعيد الناصيري، مفاجأة جديدة بخصوص أصول الحاج أحمد بنبراهيم الملقب بالمالي وإسكوبار الصحرا، وقال إنه ماشي من دولة مالي.

وكشف المحامي امبارك المسكيني فـ تصريح له اليوم الخميس بعدما سالات جلسة محاكمة سعيد الناصيري والمتابعين معه فـ قضية ما يعرف بـ إسكوبار الصحرا، “أنه من مصادر متعددة والمعلومة المؤكدة والتي وردت على لسان اكثر من شخص خصوصا زملاؤنا بمدينة وجدة اللي بحثو فـ هاد الوضع أن هذا الرجل جزائري وليس من مالي”.

وكمل المحامي وقال فـ تصريح لـ گود: “يمكن خدا هاد القبعة ودخل الأراضي المغربية لخدمة مشروع ما وكانتمنى أن الأجهزة المكلفة تعمق البحث فـ هاد الشي حيث ما يمكنش نتيقو المالي فـ گاع اللي قال، لأن ذلك سيكون سبة في حق اجزهتنا وفي حق جيشنا وفي حق أمننا وفي حق دركنا والأجهزة الراعية والساهرة على هذا البلد، عيون من يحرس هذا البلد لا تنام، ما يمكنش يجي المالي ولا غير المالي ويفاجئنا بأنه كايعرف اللي ما كاتعرفوش هاد الأجهزة وإلا إذا تيقنا المالي غانقولو لهادو فين كنتو هادي 13 عام، داكشي علاش غانقول إن المالي كاذب وأجهزتنا صادقة.”

https://www.facebook.com/share/v/1HHGEN4naV/?mibextid=wwXIfr