وكالات //

حذّرات المحامية ديال الأمير هاري من أن “حياتو فخطر” بسبب التغييرات اللي وقعات فالحماية ديالو منين تخلى على المهام الملكية ديالو.

وهادشي جا فواحد الوقت اللي رجع فيه هاري للمحكمة باش يدير استئناف على القرار اللي بدل فالتأمين ديالو فبريطانيا.

هاري، اللي هو أصغر ولد عند الملك تشارلز، كيسعى باش يلغي قرار كانت دارتو وزارة الداخلية فـ2020، واللي كايقول بلي مايبقاش عندو الحماية الشرطية التلقائية ملي كايكون فبريطانيا.

وقالت المحامية ديالو، فاطمة شهيد، قدام المحكمة، وهو كيتابع كلامها: “خاصنا مانساوش الجانب الإنساني فهاد القضية: راه كاين شخص جالس ورايا، والسلامة ديالو والأمن ديالو وحتى حياتو فخطر”.

وكانت وثائق قضائية، اللي خرجات نهار الثلاثاء، قالت إن تنظيم القاعدة نادى مؤخراً بقتل هاري، وزادت قالت بلي فـ2023 كانت واحد المطاردة خطيرة بالطموبيلات فـنيويورك، كانو فيها هو ومراتو ميغان، وتسببات فيها مصورين ديال المشاهير.