كود-Tf1 info//

وسائل الإعلام الفرنسية قالت بللي تأجلات محاكمة المغني المغربي سعد لمجرد، اللي كانت مبرمجة تبدا يوم الاثنين قدام محكمة الجنايات فـ دراغينيان ففرنسا.

التأجيل جا حيت رئيسة المحكمة مريضة ماقدراتش تحضر باش تشوف القضية ديال اغتصاب نادلة فشي بار حدا سان تروبيه عام 2018.

وفلقاء بين محامي سعد لمجرد ومحامي المشتكية، القاضي خرج بقرار تأجيل المحاكمة لمدة على الأقل ستة شهور.

القضية بدات فغشت 2018، ملي كانت المشتكية خدامة كيسرفورة فواحد المحطة السياحية كلاص فسان تروبيه، وتلاقات مع المغني فواحد الكلوب نايت.

سعد لمجرد من جهتو أكد باللي العلاقة كانت بالتراضي، وأن البنت هي اللي حيدات سروالها راسها.

أما صديقة المشتكية اللي تم استدعاؤها مباشرة بعد الحادثة، قالت باللي لقاتها فحالة صدمة، والمكياج مجخلط، والشنايف منفوخين، حسب ما نقلات وكالة الأنباء الفرنسية.