الرئيسية > آش واقع > محاكمة الناشط العواج بدات اليوم.. والمعيزي لـ”كود”: متابع فحالة اعتقال وتوجهات ليه تهمة إهانة مؤسسات دستورية
17/06/2021 20:30 آش واقع

محاكمة الناشط العواج بدات اليوم.. والمعيزي لـ”كود”: متابع فحالة اعتقال وتوجهات ليه تهمة إهانة مؤسسات دستورية

محاكمة الناشط العواج بدات اليوم.. والمعيزي لـ”كود”: متابع فحالة اعتقال وتوجهات ليه تهمة إهانة مؤسسات دستورية

عفراء علوي محمدي- كود//

تقدم اليوم الناشط نور الدين العواج، أمام انظار وكيل الملك، وتحال فاليوم نفسو على جلسة المحاكمة بالمحكمة الابتدائية الزجرية فعين السبع فكازا.

وقال صلاح الدين المعيزي، عضو لجنة التضامن مع الصحافيين عمر الراضي وسليمان الريسوني معتقلي الرأي فالمغرب، أن جلسة محاكمتو تأخرات ل1 يوليوز من اجل إعداد الدفاع.

وكشف المعيزي، فتصريحو ل”كود”، أن العواج متابع في حالة اعتقال بأمر من النيابة العامة، وتوجهات ليه تهم “إهانة مؤسسات دستورية” و”إهانة هيئات منظمة”، و”التحريض على ارتكاب جناية”.

وتقدم دفاع العواج بطلب السراح المؤقت، اللي كيقول المعيزي انه غيتم البت فيه هذ الليلة، واللي كيشوف انه فالغالب غادي يترفض.

وتزامنا مع مثولو امام النيابة العامة وإحالتو على الجلسة، نشطاء دارو وقفة تضامنية مع العواج امام محكمة عين السبع، حضرو فيها انصار الصحافيين الراضي والريسوني، واعضاء من لجنة التضامن معهما، بما فيهم عائلتهم.

وكان تشد العواج نهار الثلاثاء، خلال وقفة احتجاجية قدام محكمة الاستئناف فكازا، للمطالبة بإطلاق سراح الصحافي الريسوني، اللي مضرب على الطعام لليوم 72.

موضوعات أخرى

27/07/2021 13:30

ها شكون الضحية اللي كايستامع ليه قضاء الصبليون ف شكاوي التعذيب ضد قيادات البوليساريو.. والحقوقي “أكاي”: حطينا ملف جديد ف وزارة العدل كايورط عصابات الجبهة – وثيقة

27/07/2021 13:00

عائلتو باغة الدعم باش دفنو فالمغرب. أمين ولد الحسيمة اتصل بوالديه يوماين مور العيد ولبارح لقاو الجثة ديالو فشاطئ سبتة

27/07/2021 12:30

البرنامج الانتخابي لـ”البي جي دي”..بالأرقام ها شحال ديال المناصب فالتعليم والصحة ونسبة النمو اللي باغين يحققو وها كيفاش باغين استمالة أصوات الموظفات المزوجات

27/07/2021 11:50

قضية التجسس ب”بيكَاسوس”.. الأحرار: تم استهداف المغرب بأسلوب مفضوح من جهات معادية و مؤسساتنا الأمنية فيها الثقة الكاملة