كود – كازا ///
قالت مواقع اقتصادية متخصصة، أن مجموعة فنادق سيلكن اختارت المغرب والبرتغال باش توسع دوليا، حسب ما صرح به خافيير فيلانويفا، المدير العام للسلسلة الفندقية ف مقابلة مع “HOSTELTUR” للأخبار السياحية.
وحسب المتحدث ذاته، كاينة عدد من المشاريع المجدولة للمجموعة ف البرتغال ومشاريع مثيرة للاهتمام للغاية في المغرب، “اللي غادي يكون هو البلد اللي غادي تركز فيه المجموعة جهودها ف 2025″، حسب الباطرون ديال الشركة.
وكشف خافيير فيلانويفا، عن توقيع عقود تشييد 7 أوطيلات ف المغرب من الزيرو، مضيفا أن جغرافية المغرب الواسعة بزاف غادي تخلي أوطيلات المجموعة متواجدة ف الوجهات الحضرية ووجهات العطلات. وغادي تبدا الشركة بـ2 أوطيلات ف كازا وأكادير، قبل توسعها ف الناظور ومراكش والداخلة ووجهات أخرى.
