الرئيسية > تبركيك > مجموعة “سماب”: ما عندنا علاقة بالوداديات والاحتجاجات فمعارضها على “اطلنتيك بيتش” كتسيء لينا وها للي غاديين نديروه
09/11/2019 09:50 تبركيك

مجموعة “سماب”: ما عندنا علاقة بالوداديات والاحتجاجات فمعارضها على “اطلنتيك بيتش” كتسيء لينا وها للي غاديين نديروه

مجموعة “سماب”: ما عندنا علاقة بالوداديات والاحتجاجات فمعارضها على “اطلنتيك بيتش” كتسيء لينا وها للي غاديين نديروه

كود كازا ///

قالت مجموعة “سماب” المنظمة لمعارض العقار بدول اوربية باللي ما عندها علاقة بالوداديات اللي كيجيو وحدين كيحتجو عليها وسط معارض العقار. بيان المجموعة جبد هاد الشي بعد الاحتجاجات اللي كانت فميلانو فاخر دورة من هاد المعارض. احتجاجات لضحايا ودادية سكنية على مشروع “اطلنتيك بيتش” بالمنصورية حدا المحمدية. هاد المشروع مشى ضحيتو 400 مغربي عايش فالخارج.

المجموعة قالت انها تتفهم مطالب المحتجين ولكن ما كتفهمش علاش كيحتجو فمعارضها. واضافت ان هاد الشي كيسيئ للمعرض وللعارضين وباللي غادية تكون مضطرة “الى اتخاد التدابير القانونية اللازمة من اجل صيانة حقوق العارضين والدفاع عن سمعة المعرض والشركات العقارية. هذا مع العلم ان المجموعة مقتنعة ان المحتجين لا يستهدفون المعرض في الأساس ولكنهم يسيؤون اليه من حيث لا يدرون”.

موضوعات أخرى

13/11/2019 16:50

النسخة الأولى من منتدى مقاولات تربية الأحياء المائية بالداخلة بالأرقام: 300 مشارك واطلاق 256 مشروع بإمكانيات إنتاج إجمالي واصلة لـ 156.000 طن فالعام