سامي العلوي -گود كازا //
كشفات مصادر “گود” ان مجلس جهة الدار البيضاء سطات برئاسة الاستقلالي عبد اللطيف معزوز غادي يعقد دورته العادية لشهر أكتوبر فمدينة سطات.
وزاد نفس المصدر، أكد أن أشغال المجلس غاد تنعقد نهار الاثنين 02 اكتوبر 2023، فمركز الندوات التابع لجامعة الحسن الأول لي كاين في طريق كازا .
هاد الاجتماع غادي يحضرو عبد اللطيف الميراوي ماشي بصفتو وزير التعليم العالي والبحث العلمي والابتكار ولكن بصفتو عضو مجلس الجهة ونائب رئيسها.
هاد الحضور ديال الميراوي كيتعتبر رمزي حتى عند مكونات الجامعة اللي ماعجبهمش الحال على الصمت ديالو ففضيحة التلاعب فالتعيينات لي خدامين عليها لجان بالمحسوبية والزبونية، خصوصا كونكور كلية العلوم والتقنيات ومعهد علوم الرياضة، على حساب ما كال المصدر ذاتو.
