الرئيسية > آش واقع > مجلس جهة الرباط ماعندو كبدة على المال العام .. دار بنود بالملايين غي زايدة مانافعة المواطن فوالو فميزانية 2020
08/10/2019 09:30 آش واقع

مجلس جهة الرباط ماعندو كبدة على المال العام .. دار بنود بالملايين غي زايدة مانافعة المواطن فوالو فميزانية 2020

مجلس جهة الرباط ماعندو كبدة على المال العام .. دار بنود بالملايين غي زايدة مانافعة المواطن فوالو فميزانية 2020

كود الرباط//

أنهى مجلس جهة الرباط سلا القنيطرة دورة أكتوبر في زمن قياسي لم يتعدى ساعتين بحضور والي الجهة محمد اليعقوبي.

رئيس الجهة عبد الصمد السكال و أغلبيته، جابوا 18 نقطة فهاذ الدورة، اربع نقاط ضمن جدول الاعمال همت المساهمة في التأهيل الحضري لمدن تمارة سلا القنيطرة و بغلاف مالي هام.
هاذ الشي مزيان المثير للانتباه، هو أن اعضاء المجلس الـ 75 مناقشوش النقطة 15 المدرجة فجدول الاعمال بما تستحق.

هاذ النقطة متعلقة بمشروع الميزاينة اللي فيها كلام كثير. اعتمادات التسيير غير المنتجة طالعة بزاف. مثلا 400 مليون غي لتعويضات الرئيس والنواب و مصاريف التنقل داخل و خارج ارض الوطن، ومفصلة بشكل تيدير الدوخة.

ها مصاريف التنقل دال المملكة، ها مصاريف التنقل خارج المملكة، وكتلقى فبنود أخرى اعتمادات لنفس الغرض.

فميزانية الجهة اختيارات تتنافى مع حاجيات الجهة. 2 ديال لمليار دارهم السكال لمخطط التكوين المديري لدار المنتخب اللي كيترأسها حامي الدين. قضية أخرى تثير أزمة الترشيد 300 مليون مخصصة غي للاطعام و الاحتفالات و الاستقبالات، وزيد عليها مصاريف كراء مقر الوكالة و المتعاقدين  اللي كتمص ملايين الدراهم  غادة توصل ل 2 مليار و 100 مليون سنتيم، رغم ان الوكالة لم تنجز شيئا يذكر قياسا لما تكلفه، وزيد على هاذ الشي كامل تعويضات المستشارين اللي كيتنقلوا من خارج الرباط و سلا.

بين الأرقام اللي كيصرح بها السكال و اللي هدر على رصد ملايير للاستثمار كيتطرح سؤال مهم اشنو القيمة المضافة للجهة في المسار التنموي من خلال مشاريع واقعية ماشي مشاريع الورق و التوقعات و الاتفاقيات.

موضوعات أخرى