الرئيسية > تبركيك > مجتمع ذكوري وشبعان كبت.. المتخلفين فأنستكَرام شبعو سبان فرباب ازماني مرات فريد غنام بسباب كسوتها (اللي عااادية) فإشهار
13/08/2020 18:00 تبركيك

مجتمع ذكوري وشبعان كبت.. المتخلفين فأنستكَرام شبعو سبان فرباب ازماني مرات فريد غنام بسباب كسوتها (اللي عااادية) فإشهار

مجتمع ذكوري وشبعان كبت.. المتخلفين فأنستكَرام شبعو سبان  فرباب ازماني مرات فريد غنام بسباب كسوتها (اللي عااادية) فإشهار

عفراء علوي محمدي- كود//

المتخلفين ماخلاوش لمرات الفنان فريد غنام، اليوتوبوز رباب أزماني، بالسبان والمعيور فمواقع التواصل الاجتماعي، من بعد ما نشرات سطوري عادي ف”تويتر” ديال إشهار لواحد البرودوي دالتنظيف دارتو مؤخرا.

المتخلفين حيت قاتلهم الكبت بداو يعايرو فأزماني بسباب اللباس اللي كانت لابسة، وهو فالأصل لباس عادي جدا كتلبسو أي سيدة فاش كتكون كتشقى، لكن التخلف والحرمان ما يشاور.

وماشي غير أزماني اللي تعايرات فالتعليقات والبوسطات على مواقع التواصل الاجتناعي، اللي تنشرات فيها تصاورها على أوسع نطاق، المتخلفين عايرو حتى راجلها خيت خلاها تلبس هكذاك ووصفوه ب”الديوث”

والعقلية الذكورية والرجعية مازال معشعشة فعقول بزاف ديال قلالين الوعي، كيجيب ليهم الله أن المرا مينور ومن الواجب على راجل يتحكم ليها فحياتها ولباسها وشنو تدير وشنو ماتديرش، فيحين أن المرا كائن مستقل وواعي ومن حقو يختار كيفاش يعيش حياتو بكل حرية وباستقلالية تامة على الرجل، والعيب هو يتدخل ليها فأمورها الخاصة ماشي العكس.

وغير هذي أيام قليلة، سبق لأزماني تكلمات على مرض كتعاني منو، تسبب ليها فتساقط شعرها بشكل غزير، وهو الشيء اللي نالت بسبابو تعاطف عدد كبير من المتابعين، لكن تعاطفهم ماكملش من بعد ستوري الإشهار اللي خلاهم يسبوها ويتنمرو عليها، واخا عارفين أن المشكل اللي كتعاني منو أزماني هذ الأيام واللي كيطيح ليها شعرها مرتبط بضغوطات نفسية صعيبة.

 


 

موضوعات أخرى